Sumqayıtda yataqxanada qonşular arasında mübahisə baş verib. Bu haqda 19 iyun tarixində Sumqayıt24 APA TV-yə istinadən məlumat verir.
Hadisə 76-cı məhəllədəki 5 saylı yataqxanada qeydə alınıb. 63 yaşlı Əzimə Aslanova və onun həmyaşıdı Vəsiqə Mamedova mətbəxdə mübahisəyə başlayıblar. Mübahisə zamanı Ə. Aslanova qonşusu V. Mamedovanın üstünə qaynar su tökdükdən sonra çəkiclə ona xəsarətlər yetirib.
Yaralıya tibbi yardım göstərilib, pasiyent reanimasiya şöbəsinə yerləşdirilib. Hazırda onun vəziyyəti orta ağır qiymətləndirilir.
Faktla bağlı araşdırma aparılır. Xəsarətlərin dərəcəsini müəyyən etmək məqsədilə müvafiq ekspertiza təyin edilib.
Digər qonşuların bildirdiklərinə görə, mübahisəyə səbəb Ə. Aslanovanın V. Mamedovanın həmin mərtəbədə əri ilə yaşayan yeqanə qadın olmasına etirazı olub.
