Yeni Azərbaycan Partiyası (YAP) Sumqayıt şəhər təşkilatının inzibati binasında “Ailə dəyərləri – uşaqdan böyüyə” adlı tədbir təşkil olunub. Bu haqda 2 may tarixində Sumqayıt24 xəbər verir.
Toplantıda öncə Dövlət Himni səsləndirilib, şəhidlərimizin əziz xatirəsi bir dəqiqəlik sükutla yad edilib. Burada YAP-nin rəsmiləri, idarə, müəssisə, təşkilat rəhbərləri və uşaq səfirlər məclisinin üzvləri iştirak ediblər.
Çıxış edənlər tədbirin əhəmiyyətindən danışıblar. Qeyd edilib ki, ölkəmizdə aparılan bu sosial və iqtisadi quruculuq işləri ailə institutunun möhkəmlənməsinə öz töhfəsini verir. Tədbir diskussiya formasında davam etdirilib.
Uşaq hüquqlarının qorunması mövzusunda keçirilən anket sorğusunda qalib olan 14 nömrəli məktəbin şagirdi Leyla Qəmbərovaya şəhər rəhbəri Zakir Fərəcovun Fəxri Fərmanı təqdim olunub.
