1 nömrəli Ailə Sağlamlıq Mərkəzində (ASM) Beynəlxalq Ailə Günü ilə əlaqədar tədbir keçirilib. Sumqayıt24 bu haqda 16 may tarixində Sumqayıt Tibb Mərkəzinə (STM) istinadən xəbər verir.
Tədbirdə gənc ailələr iştirak ediblər. ASM-in baş həkimi Təranə Mansurova bildirib ki, Azərbaycan cəmiyyətində ailə hər zaman müqəddəs sayılıb.
Pediatriya şöbəsinin müdiri Şəbnəm Səlimova və ailə həkimi-pediatr Şəlalə Nəcəfova çıxışlarında ailənin əsas sütunlarından biri – Azərbaycan qadınının ölkəmizdə əmin-amanlığın qorunması, ailə dəyərlərinin yaşadılmasında mühüm rolundan danışıblar.
Həmçinin çıxışlarda sağlam ailə təməlinin qurulması və qorunub saxlanılmasının sirləri, qarşılıqlı hörmət əsasında qurulan ailələrin daha uzunömürlü və xoşbəxt olması diqqətə çatdırılıb.
