Sumqayıtda AMEA-nın Polimer Materialları İnstitutunun gənc alimləri ixtiraçı, araşdırmaçı gənclərlə görüşüblər. Bu haqda 17 may tarixində Sumqayıt24 xəbər verir.
''Yaşıl dünya naminə həmrəylik ili''nə həsr olunmuş görüşdə yaşıl enerji, yaşıl iqtisadiyyat, səmərəli və alternativ mənbələr və bu istiqamətdə olan ixtiralar barədə müzakirələr aparılıb. Gənclərin fikirləri dinlənilib və onlara gənc alimlər tərəfindən tövsiyələr verilib.
Tədbir GİKM-in Abşeron–Xızı regional nümayəndəliyi və Abşeron–Xızı Regional Gənclər və İdman İdarəsinin birgə təşkilatçılığı ilə baş tutub.
