Azərbaycanlı bəstəkar Xədicə Zeynalovanın dərsliyi alman dilində nəşr olunub. Bu haqda 30 iyun tarixində Sumqayıt24 Diasporla İş üzrə Dövlət Komitəsinə istinadən məlumat verir.
“Səsin körpüsü” (“Bridge of Sound”) ansamblının və orkestrinin yaradıcısı və bədii rəhbəri, sənətşünaslıq üzrə fəlsəfə doktoru Xədicə Zeynalovanın “Solo fortepiano üçün uşaq pyesləri” adlı dərsliyi alman dilində işıq üzü görüb.
Milli musiqimizin Almaniyada təbliği məqsədilə nəşr edilmiş dərslik art-direktor Elşən İbrahimov, dizayner Maqsud İbrahimov və illüstrator Mərziyə Tağıyeva tərəfindən nəşrə hazırlanıb.
Qeyd edək ki, Xədicə Zeynalova Sumqayıt şəhərində ziyalı ailəsində dünyaya gəlib. 1995-2005-ci illərdə Sumqayıt Musiqi Kollecində musiqi nəzəriyyəsi fənnini tədris edib. 2005-ci ildən Almaniyanın Detmold şəhərində yaşayır. Otuzdan çox kitabın müəllifi olan Xədicə Zeynalova dəfələrlə beynəlxalq bəstəkarlıq müsabiqələrinin laureatı seçilib.
[modula id="38531"]
