M. Müşfiq adına Sumqayıt şəhər 34 nömrəli məktəbinin şagirdi bir sıra beynəlxalq riyaziyyat müsabiqələrinin qalibi olub. Bu haqda 1 fevral tarixində Sumqayıt24 Mətbuat.az-a istinadən məlumat verir.
Tədris ocağının 3-cü sinif şagirdi Fərid Babayevin artıq ölkə daxilində keçirilən müxtəlif olimpiadalarda 50-yə yaxın qələbəsi var.
Fərid dünyanın 80-dən çox ölkəsindən 45 milyon şagird arasında hər il keçirilən Kenquru Beynəlxalq Riyaziyyat Müsabiqəsinin qalibi olub. O, həm ilkin mərhələdə, həm də final mərhələsində 100%-lik nəticə ilə qızıl medal qazanıb.
Məktəbli, həmçinin ABŞ Riyaziyyat Olimpiadasında qızıl medal qazanıb və bu uğuruna görə Sinqapurda keçiriləcək olimpiadaya dəvət alıb. Maddi dəstəyin olacağı təqdirdə Fərid ölkəmizi bu yarışda da təmsil edəcək.
