Bakı-Xırdalan-Sumqayıt istiqamətində hərəkət edən qatarda gecikmə qeydə alınıb. Bu haqda 15 may tarixində Sumqayıt24 Oxu.az-a istinadən məlumat verir.
Paytaxtdakı stansiyadan ötən gün saat 18:50-də çıxmalı olan sərnişin qatarı 30 dəqiqə gecikib. Sərnişinlər iddia edirlər ki, paralel olaraq, Bakı-Pirşağı-Sumqayıt qatarı da qrafik üzrə hərəkət etməyib.
Azərbaycan Dəmir Yolları (ADY) QSC-dən bildirilib ki, bu gün qatarların hərəkət qrafikində hər hansı gecikmə halı qeydə alınmayıb:
“İstisna hal olaraq, saat 18:50-də Bakı-Xırdalan-Sumqayıt xətti üzrə hərəkət etməli olan qatara texniki baxış keçirildiyinə görə qatar saat 19:03-də sözügedən istiqamət üzrə yola düşüb”.
