Sumqayıtda sahibsiz itlərin qətlə yetirilməsi davam edir. Bu haqda 21 fevral tarixində Sumqayıt24 ARB Xəbər-ə istinadən məlumat verir.
Ötən gün gecə saatlarında şəhərin Yahya Məmmədov küçəsində təxminən 10-a yaxın it güllələnərək öldürülüb.
“Elə bil atəş bir peşəkar tərəfindən açılır ki, itlərin ciyəri dağılsın. Ciyəri dağılan it yaşamır. 4 iti xilas etmişik, baytara aparmışıq. Biz onlara baxırıq, yemləyirik, qısırlamağa aparırıq, amma onları hər gün öldürürlər”, – deyə sakinlər bildiriblər.
Sakinlərin sözlərinə görə, hadisəni törədənlərin kimliyi məlum deyil. İddia edilir ki, baş verənlər ərazidəki müşahidə kamerasına düşüb.
Məsələ ilə bağlı Daxili İşlər Nazirliyindən (DİN) bildirilib ki, hazırda araşdırma aparılır. Bu əməli törədənlər ən qısa zamanda tapılaraq məsuliyyətə cəlb ediləcəklər.
