Bu gün Vətən müharibəsinin ilk günündə şəhid olan Tərlan Rzayev və Mahir Xələflinin anım günüdür.
Tərlan Rzayev 21 may 2001-ci ildə Sumqayıt şəhərində anadan olub. O, Füzulinin azadlığı uğrunda gedən döyüşlərdə şəhid olub. Şəxsi igidlik və şücaət nümayiş etdirdiyinə görə “Vətən uğrunda” və “Füzulinin azad olunmasına görə” medalları ilə təltif edilib.
Əslən Qubadlı rayonunun Qiyaslı kəndindən olan Mahir Xələfli 8 aprel 2001-ci ildə Sumqayıt şəhərində doğulub. Mahir Murovdağın azadlığı uğrunda gedən döyüşlərdə savaşıb və oradaca şəhidlik zirvəsinə ucalıb. Döyüş əməliyyatlarında vəzifə borcunu şərəflə yerinə yetirdiyinə görə ölümündən sonra “Vətən uğrunda” və “Kəlbəcərin azad olunmasına görə” medallarına layiq görülüb.
Hər iki gəncimiz Sumqayıt Şəhidlər xiyabanında dəfn edilib.
