Bu gün Sumqayıt şəhər İcra Hakimiyyətinin başçısı Zakir Fərəcovun doğum günüdür.
Zakir Fərəcov Laçın rayonunun Qazıdərə kəndində anadan olub. Əmək fəaliyyətini 1971-ci ildə Sumqayıt Superfosfat zavodunda fəhlə kimi başlayıb. 1972-1974-cü illərdə Murmansk vilayətinin Severomorsk şəhərində keçmiş sovet ordusunda həqiqi hərbi xitmətdə olub.
1971-ci ilin yanvar ayında Sumqayıt şəhəri Mənzil Kommunal Təsərrufatı İstehsalat birliyində texnik kimi çalışıb.
1978-ci ildə Sumqayıt şəhəri Mənzil Kommunal Təsərrufatı birliyində şöbə rəisi, 1981-ci ildə baş direktorun müavini, 1988-ci ildə Mənzil Kommunal İstehsalat birliyində baş direktor kimi çalışıb. 1999-cu ildə keçirilən bələdiyyə seçkilərində iştirak edib və Sumqayıt şəhər bələdiyyəsinin sədri seçilib.
2005-2015-ci illərdə Abşeron Rayon İcra Hakimiyyətinin başçısı vəzifəsində işləyib. Abşeron rayonunun yaradılmasının 50 illiyi münasibətilə və rayonun sosial-iqtisadi inkişafındakı xidmətlərinə görə “Şöhrət” ordeni ilə təltif olunub.
Prezidentin 2 sentyabr 2015-ci il tarixli Sərəncamı ilə Sumqayıt şəhər İcra Hakimiyyətinin başçısı təyin olunub. Sumqayıt şəhərinin sosial və iqtisadi inkişafındakı xidmətlərinə görə 2-ci dərəcəli "Vətənə xidmətə görə" ordeni ilə təltif olunub.
Ailəlidir, 4 qızı, 1 oğlu, 11 nəvəsi var.
