Əzizağa Ramiz oğlu Dadaşov 1994-cü il iyulun 1-də Sumqayıt şəhəri Corat qəsəbəsində anadan olub.
Əzizağa Dadaşov Vətən müharibəsində torpaqlarımızın işğaldan azad olunmasında igidlik göstərərək Füzulinin azad olunması uğrunda gedən döyüşlərdə iştirak edib. 19 oktyabrda Yarəhmədli kəndinin azad olunması uğrunda gedən savaşlarda həlak olub.
Qəhrəman əsgər Sumqayıtın Şəhidlər xiyabanında torpağa tapşırılıb.
Dadaşov ölümündən sonra "Vətən uğrunda", "Cəbrayılın azad olunmasına görə” və "Füzulinin azad olunmasına görə" medalları ilə təltif edilib.
