Bu gün Vətən müharibəsi şəhidi Kənan Allahverdiyevin mövlud günüdür.
Kənan Mərdan oğlu Allahverdiyev 2002-ci ildə Sumqayıt şəhərində anadan olub.
Atası Mərdan Allahverdiyev 1992-1996-cı illərdə birinci Qarabağ döyüşlərinin iştirakçısı olub.
Kənan 27 sentyabr 2020-ci ildə başlayan Vətən müharibəsi zamanı Ermənistan qoşunlarının işğalı altında olan vacib yüksəkliklər, kəndlər, rayonlar uğrunda gedən ağır döyüşlərdə qəhrəmancasına iştirak edib.
Oktyabrın 2-dən 3-nə keçən gecə Suqovuşan uğrunda gedən ağır döyüşlərdə 18 yaşında şəhidlik zirvəsinə ucalıb. Sumqayıt Şəhidlər xiyabanında dəfn olunub.
Kənan Allahverdiyev ölümündən sonra “Vətən uğrunda” və “Laçının azad olunmasına görə” medalları ilə təltif olunub.
