Bu gün şəhid-kapitan Samir İslamovun anadan olduğu gündür.
Samir Xaliq oğlu İslamov 1983-cü ildə Sumqayıt şəhərində dünyaya göz açıb.
Azərbaycan Ordusunun kapitanı olan Samir 2020-ci il sentyabrın 27-də başlayan Vətən müharibəsi zamanı Tərtər rayonunun Talış kəndinin azadlığı uğrunda gedən döyüşlərdə savaşıb. Cəsur komandir həm də müharibədə əsgərlərə təlim keçib. O, oktyabrın 9-da Talış döyüşləri zamanı şəhid olub. Sumqayıt şəhər Şəhidlər xiyabanında dəfn olunub.
Kapitan İslamov 20 il ərzində əvəzsiz xidmətlərinə görə "Qüsursuz xidmətə görə" medalı (III dərəcə), "Azərbaycan Respublikası Silahlı Qüvvələrinin 90 illiyi" yubiley medalı və "Azərbaycan Respublikası Silahlı Qüvvələrinin 95 illiyi" yubiley medalına layiq görülüb. Ölümündən sonra “Vətən uğrunda”, “Hərbi xidmətlərə görə” və “Suqovuşanın azad olunmasına görə” medalları ilə təltif edilib.
Şəhidimiz ailəli idi, 4 övladı yadigar qalıb.
