Bu gün Vətən müharibəsi şəhidi Orxan Rəhimlinin anım günüdür.
Qubadlı rayonunun Qiyaslı kəndindən olan Orxan Elxan oğlu Rəhimli 1992-ci il 20 iyun tarixində Sumqayıt şəhərində anadan olub.
Orta təhsilinə 1992-2008-ci illərdə H.Z. Tağıyev qəsəbəsində yerləşən F. Cəfərov adına məktəbdə yiyələnib. Hərbi xidməti başa vurduqdan sonra Quba Texniki Kollecində Yol hərəkətinin təşkili ixtisası üzrə təhsil alıb. 2014-cü ildən N saylı hərbi hissədə müddətdən artıq həqiqi hərbi xidmət (MAXE) hərbi qulluqçusu kimi çalışıb. Aprel döyüşlərinin iştirakçısı olub.
Vətən müharibəsində Füzuli, Cəbrayıl, Hadrut, Zəngilan, Qubadlı, Kəlbəcər və Laçının azadlığı uğrunda savaşıb. 28 iyun 2021-ci ildə Laçın rayonu ərazisində “KamAZ” markalı hərbi yük avtomobilinin qəzaya uğraması nəticəsində şəhid olub. Sumqayıt şəhər Şəhidlər xiyabanında dəfn olunub.
Ailəli idi, Hüseyn və Pəri adında 2 övladı Vətənə əmanət qalıb.
Ölümündən sonra “Laçının azad olunmasına görə” və “Füzulinin azad olunmasına görə” medalları ilə təltif olunub.
