Bu gün şəhidlər Rəşid Baxşəliyev və Sübhan Cəbrayılovun doğum günüdür.
Azərbaycan Silahlı Qüvvələrinin əsgəri olan Rəşid Əliağa oğlu Baxşəliyev 1996-cu il oktyabrın 23-də Sumqayıt şəhərində anadan olub. Əsgər Baxşəliyev Aprel döyüşləri zamanı Tərtər istiqamətində Talış zirvəsinin azad edilməsi uğrunda gedən döyüşlər zamanı şəhid olub. Aprelin 12-də Sumqayıt Şəhidlər xiyabanında dəfn olunub.
Rəşid göstərdiyi qəhrəmanlığa görə ölümündən sonra 3-cü dərəcəli "Hərbi xidmətdə fərqlənməyə görə" medalı ilə təltif edilib.
Azərbaycan Ordusunun Xüsusi Təyinatlı Qüvvələrinin (XTQ) baş giziri olan Sübhan Rahim oğlu Cəbrayılov 1983-cü il oktyabrın 23-də Salyan rayonunda anadan olub.
Aprel döyüşlərində Sübhan cəbhənin Cəbrayıl rayonu istiqamətində gedən döyüşlərdə savaşıb.
2020-ci ilin sentyabr ayının 27-də başlanan Vətən müharibəsi zamanı baş gizir Füzulinin, Zəngilanın və Qubadlının azadlığı uğrunda gedən döyüşlərdə vuruşub. O, oktyabrın ayın 23-də, doğum günündə Sumqayıt şəhərinin Şəhidlər xiyabanında dəfn olunub.
Döyüş əməliyyatlarında şəxsi igidlik və şücaət nümayiş etdirən Sübhan “Vətən Müharibəsi Qəhrəmanı”, “Vətən uğrunda” və “Cəbrayılın azad olunmasına görə” medalları ilə təltif edilib.
