Azərbaycandan polietilen ixracı 2,2 dəfə azalıb. Sumqayıt24 bu haqda 16 fevral tarixində Azərtac-a istinadən xəbər verir.
Yanvar ayında bu rəqəm 6,8 min ton təşkil edib. Dövlət Gömrük Komitəsindən (DGK) verilən məlumata görə, ixrac olunan polietilenin dəyəri 7 milyon ABŞ dollarına bərabərdir. 2023-cü ilin eyni ayında 14,8 milyon dollarlıq 14,9 min ton polietilen ixrac olunub.
Qeyd edək ki, Sumqayıt Kimya Sənaye Parkında “SOCAR Polymer” layihəsi çərçivəsində yüksəksıxlıqlı polietilen zavodu tikilib. Müəssisə gündəlik 330 ton, illik 120 min ton istehsal gücünə malikdir. Məhsulun 25%-i daxili bazar, qalanı isə ixrac üçün nəzərdə tutulub.
