Respublika Təcili və Təxirəsalınmaz Tibbi Yardım Mərkəzinin fəaliyyətində dəyişiklik olacaq. Bu haqda 23 may tarixində Sumqayıt24 Oxu.az-a istinadən məlumat verir.
Bununla bağlı artıq qərar verilib. İyunun 1-dən Sumqayıt Şəhər Təcili Yardım Stansiyası da daxil olmaqla ölkə üzrə bütün Təcili Yardım Stansiyaları Respublika Təcili və Təxirəsalınmaz Tibbi Yardım Mərkəzinə birləşdiriləcək.
Sözügedən mərkəzin fəaliyyətinin məqsədi xidmət keyfiyyətinin beynəlxalq səviyyəyə yüksəldilməsi, eləcə də təcili və təxirəsalınmaz tibbi yardım xidmətinin "vahid pəncərə" sistemi şəklində qurulmasıdır.
