Ceyranbatan su anbarından virusun yayıldığı iddia olunub. Sumqayıt24 bu haqda 25 yanvar tarixində AzTV-yə istinadən xəbər verir.
Bakı şəhərinin Suraxanı rayonu, Əmircan və Bülbülə qəsəbələrinin əhalisi arasında yoluxucu hepatit A virusu yayılıb. Sözügedən xəstəlik, adətən, su vasitəsilə yayılır. Buna görə bütün diqqət Sumqayıtı da su ilə təmin edən Ceyranbatan anbarına yönəlib.
İddiaya cavab olaraq bildirilib ki, anbarda filtrasiya prosesi bir neçə mərhələdən keçir. Ceyranbatandakı su nasosla çəkilir. Xüsusi mexaniki süzgəclər vasitəsilə kiçik və böyük çirkablar təmizlənir. Gün ərzində analizlər aparılır:
“Gigiyena və Epidemiologiya Mərkəzi ilə yanaşı, “Azərsu” ASC də su nümunələri götürüb. Qarşılıqlı müayinələr və müqayisələr aparılıb. Hər hansı kənara çıxma müyyən edilməyib. İddialar təsdiqini tapmayıb”.
