Qısa zaman ərzində ölkədə populyarlıq qazanan “Maska” şousuna ilk təklif edilən detektivin kim olduğu açıqlanıb. Bu haqda 12 fevral tarixində Sumqayıt24 Olay.az-a istinadən məlumat verir.
“Sabaha Saxlamayaq” verilişinin qonağı olan “Maska” şounun kreativ prodüseri Tural Sevdimalı bu yerin ilk dəfə Sumqayıtdan olan Əməkdar artist Coşqun Rəhimova təklif edildiyini deyib.
“İlk dəvət Coşqun bəyə olub. Bu təklifin detektivmi, iştirakçımı olacağını özümüz də bilmirdik. Yanımızda həm iştirakçı, həm də detektiv müqavilələrini gəzdirirdik. Birinci iştirakçı kimi dedik, amma hiss elədik ki, Coşqun bəyin ürəyindən bir az da oturub yuxarıdan maskaların kim olduğunu tapmaq keçir. Detektiv olmaq, həm də bütün bu cameəni tanımağı tələb edir. Gördük ki, bu adamda bu, var, bu istək var. Detektiv kimi təklif edəndə Coşqun bəy dedi ki, mən, bəlkə, ona razı olaram. Bunu demişdi ki, müqavilə gəldi, Coşqun bəylə birinci detektiv kimi müqavilə imzalandı”, - deyə, o bildirib.
Qeyd edək ki, dünyaca məşhur, 50-dən çox ölkədə yayımlanan beynəlxalq lisenziyalı “Maska” şousunun Azərbaycan versiyasının ilk buraxılışı İctimai Televiziyada nümayiş etdirilib.
