Sumqayıt Dövlət Dram Teatrında "-1" tamaşasına daxili baxış keçirilib. Bu haqda 14 fevral tarixində Sumqayıt24 xəbər verir.
Tamaşa dünyaşöhrətli yazıçı, Nobel mükafatçısı Slavomir Mrojekin "Mühacirlər" əsəri əsasında hazırlanıb. Əsər insanları elindən, ailəsindən qərib düşürən müharibələr, sosial-siyasi problemlər, nəhayət insanın özünü özünə mühacir edən bəlalar haqqındadır.
Rolları gənc, istedadlı aktyorlar Elay Xasıyev və Kamran Muradlı oynayırlar. Müzakirə zamanı teatrın direktoru Samir Şəfiyev tamaşada diqqətçəkən məqamları vurğulayıb, gənc aktyorlarda tamamilə yeni oyun tərzinin üzə çıxmasını alqışlayaraq təqdirə layiq hal adlandırıb.
Tamaşanın quruluşçi rejissoru Ümid Abbas, quruluşçu rəssamı Nizami Dadaşov, musiqi tərtibatçısı Telman Qəniyevdir.
