Milli Məclis nikahlarla bağlı qərar verib. Sumqayıt24 bu haqda 28 iyun tarixində xəbər verir.
Qardaşların və (və ya) bacıların ümumi bioloji baba və (və ya) nənəsi olan uşaqları, bioloji qohumluğu olan əmi (dayı) və qardaş (bacı) qızı, həmçinin bibi (xala) və qardaş (bacı) oğlu nikahın bağlanmasına mane olan halların sırasına daxil edilib.
Bildirilib ki, qan qohumları arasında evlilikdən doğulan uşaqlarda genetik xəstəliklərin olması riski olduqca yüksəkdir.
Bu problemin həlli üçün Ailə Məcəlləsinin 12-ci maddəsində (Nikahın bağlanmasına mane olan hallar) yaxın qohumlarla yanaşı yuxarıda qeyd edilən şəxslərin nikahına yol verilməyən yeni normanın təsbiti nəzərdə tutulur.
Qanun layihəsi səsverməyə çıxarılaraq üçüncü oxunuşda qəbul edilib.
