Fövqəladə Hallar Nazirliyinin (FHN) Sumqayıt Regional Mərkəzi müşavirə keçirib. Bu haqda 15 may tarixində Sumqayıt24 FHN-ə istinadən məlumat verir.
Tədbir “Su hövzələrində insanların təhlükəsizliyinin təmin edilməsi” mövzusuna həsr edilib. Müşavirədə Sumqayıt Regional Mərkəzi, Kiçikhəcmli Gəmilərə Nəzarət və Sularda Xilasetmə Dövlət Xidməti, Sumqayıt Şəhər İcra Hakimiyyəti, bələdiyyələr və sahilboyu iaşə obyektlərinin nümayəndələri iştirak ediblər.
Burada şəhər ərazisində olan çimərliklərdə keçirilən monitorinqin nəticələri və mövcud vəziyyət barədə tədbir iştirakçıları məlumatlandırılıblar, cari problemlərin təhlili aparılıb.
Sonda su hövzələrində təhlükəsizlik qaydaları ilə bağlı videoçarx nümayiş olunub.
