Sumqayıtda “Heydər Əliyev İli”nə həsr olunmuş tədbir keçirilib. Bu haqda 20 oktyabr tarixində Sumqayıt24 Abşeron-Xızı Regional Mədəniyyət İdarəsinə istinadən məlumat verir.
Tədbir FHN-in Sumqayıt Regional Mərkəzi və 3 nömrəli Uşaq İncəsənət Məktəbinin birgə təşkilatçılığı ilə baş tutub.
Burada Abşeron-Xızı Regional Mədəniyyət İdarəsinin və FHN-in rəhbərləri və əməkdaşları iştirak ediblər.
İştirakçılar öncə ulu öndər Heydər Əliyevə həsr olunmuş rəsm sərgisinə baxış keçiriblər. Daha sonra şəhidlərimizin əziz xatirəsi bir dəqiqəlik sükutla yad edilib.
Toplantıda Heydər Əliyevin dövlətimiz və xalqımız üçün göstərdiyi müstəsna xidmətləri xatırladan videoçarx nümayiş etdirilib.
Tədbir şagirdlərin ifasında ədəbi-bədii kompozisiya göstərilərək sonlandırılıb.
