“İrimiqyaslı fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda kompleks mülki müdafiə təlimi keçirilib. Sumqayıt24 bu haqda 3 may tarixində xəbər verir.
Təlim Fövqəladə Hallar Nazirliyinin Sumqayıt Regional Mərkəzi tərəfindən Xızı rayonunda təşkil olunub. Burada Regional Mərkəzin rəisi polkovnik Vaqif Fətullayev, Xızı Rayon İcra Hakimiyyəti başçısının müavini, Fövqəladə Hallar Komissiyasının sədri Arzu Əzizov və Qızıl Aypara Cəmiyyəti Sumqayıt Regional Mərkəzinin könüllüləri iştirak ediblər.
