Fövqəladə Hallar Nazirliyi (FHN) “Kiçikhəcmli gəmilərin təhlükəsiz istismarı” mövzusunda tədbir keçirib. Bu haqda 30 yanvar tarixində Sumqayıt24 FHN-ə istinadən məlumat verir.
Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən maarifləndirmə məqsədilə təşkil etdiyi tədbir Kimyaçılar yaşayış massivi ərazisində baş tutub.
Təlimdə gəmi istifadəçiləri ilə yanaşı, balıq və digər su bioresurslarının sənaye ovunu həyata keçirən balıqçılıq subyektlərinə bu tip gəmilərin təchizat avadanlıqları barədə məlumat verilib. Eyni zamanda gəmi sürücüləri kollektiv və fərdi xilasedici vasitələrdən, naviqasiya avadanlıqlarından istifadə qaydaları ilə bağlı da maarifləndiriliblər.
Sonda iştirakçılara maarifləndirici broşürlər paylanılıb.
