Fövqəladə Hallar Nazirliyinin (FHN) Sumqayıt Regional Mərkəzi fövqəladə hallarla bağlı davranış qaydaları barədə maarifləndirmə tədbirləri keçirilib. Bu haqda 11 may tarixində Sumqayıt24 xəbər verir.
Dövlət Yanğın Nəzarəti və Kiçikhəcmli Gəmilərə Nəzarət və Sularda Xilasetmə Dövlət xidmətlərinin mütəxəssislərinin iştirakı ilə baş tutan təlim 4 nömrəli tam orta məktəbdə və 5 nömrəli Uşaq Musiqi Məktəbində təşkil olunub.
Burada fövqəladə halların təsnifatı, yanğınların başvermə səbəbləri və bu zaman zəruri davranış qaydaları barədə ətraflı məlumat verilib, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbirlər zamanı suallar ətraflı cavablandırılıb.
