Sumqayıt Gənclər Evinin əməkdaşları və könüllüləri ilə birgə 2 fevral – Gənclər Günü ilə əlaqədar diskussiya keçirilib. Bu haqda fevralın 2-də Sumqayıt24 xəbər verir.
Gənclər kitabxanasında baş tutan toplantının əvvəlində şəhidlərimizin xatirəsi 1 dəqiqəlik sükutla yad edilib. Tədbirin aparıcısı kitabxananın müdiri Leyla Mahmudova “Dəmir yumruq və Azərbaycan gəncliyi” adlı kitab sərgisi haqqında iştirakçılara məlumat verib. Sonra ulu öndər Heydər Əliyevin və Prezident İlham Əliyevin gənclərlə olan görüşlərindən, çıxışlarından bəhs edən videoçarx izlənilib.
