Sumqayıtda oğurluq hadisəsi təhlükəsizlik kamerasına düşüb. Bu haqda 1 iyul tarixində Sumqayıt24-ə izləyicidən məlumat daxil olub.
Hadisə şəhərin 51-ci məhəlləsində yerləşən həyət evlərinin birində baş verib. Naməlum şəxs giriş qapısının açıq qalmasından istifadə edərək həyətə daxil olub. Daha sonra həmin şəxs əlində polietilen torba ilə ərazidən uzaqlaşıb. Təqdim olunan məlumata əsasən, o, samovar oğurlayıb.
Zərərçəkən şəxs polis orqanlarına müraciət edib.
