Sumqayıt şəhər Heydər Əliyev Mərkəzində veteranlarla görüş keçirilib. Bu haqda 13 yanvar tarixində Sumqayıt24 Report.az-a istinadən məlumat verir.
Tədbir Müharibə, Əmək və Silahlı Qüvvələr Veteranları Təşkilatının təşkilatçılığı ilə baş tutub. Əvvəlcə şəhidlərimizin əziz xatirəsi bir dəqiqəlik sükutla yad edilib.
Sözügedən təşkilatın sədr müavini, polkovnik Cəlil Xəlilov çıxışında veteranlarımızın cəmiyyətdəki rolundan, onların üzərinə düşən vəzifələrdən danışıb.
Həmçinin diqqətə çatdırılıb ki, şəhid ailələri üzvlərinin, müharibə ilə əlaqədar xəsarət almış hərbi qulluqçuların və əlilliyi müəyyən edilmiş şəxslərin məşğulluğuna və sosial problemlərinin həllinə dəstək olmaq məqsədilə Sumqayıt Şəhər İcra Hakimiyyəti yanında Əlaqələndirmə Mərkəzi yaradılıb.
Digər çıxış edənlər təşkil edilən tədbirin əhəmiyyətindən danışıblar.
