Növbədənkənar prezident seçkilərinin qalibi İlham Əliyevin andiçmə mərasimi keçirilib. Sumqayıt24 bu haqda 14 fevral tarixində xəbər verir.
Tədbir Milli Məclisdə təşkil olunub. Mərasimdə Azərbaycanın dövlət rəsmiləri, Milli Məclisin deputatları iştirak ediblər.
Andın mətni belədir: “Azərbaycan Respublikası Prezidentinin səlahiyyətlərini həyata keçirərkən Azərbaycan Respublikasının Konstitusiyasına əməl edəcəyimə, dövlətin müstəqilliyini və ərazi bütövlüyünü qoruyacağıma, xalqa ləyaqətlə xidmət edəcəyimə and içirəm”.
And içdiyi gündən Azərbaycan Respublikasının Prezidenti öz səlahiyyətlərinin icrasına başlamış sayılır.
Xatırladaq ki, İlham Əliyev 92,12 % səslə seçkilərin qalibi olub.
