Sumqayıt şəhər Olimpiya İdman Kompleksində seçicilərlə görüş keçirilib. Bu haqda 24 yanvar tarixində Sumqayıt24 xəbər verir.
Yığıncaq prezident seçkiləri ilə əlaqədar YAP tərəfindən namizədliyi irəli sürülmüş İlham Əliyevin seçkiqabağı təşviqat kampaniyası çərçivəsində baş tutub.
Tədbirin əvvəlində Dövlət Himni səsləndirilib. Görüşdə YAP şəhər təşkilatının sədri Ramiz Hüseynov, Milli Məclisin deputatı Müşfiq Məmmədli, şəhid atası Sovet Şükürov, təşviqat qrupunun üzvləri Ramiz İsmayılov, Eldar İsmayılov, Zeynəb Məmmədyarova çıxış ediblər.
Çıxışlarda qeyd olunub ki, Prezident İlham Əliyevin rəhbərliyi ilə ötən 20 il Azərbaycan xalqının taleyində tamamilə yeni inkişaf mərhələsinin başlanğıcı olub, bu dövrdə cəmiyyətimizin həyatında inqilabi dəyişikliklər baş verib. Son 20 il Azərbaycanın dövlətçilik tarixinə dinamik və hərtərəfli inkişaf dövrü kimi daxil olub.
Görüş Yeni Azərbaycan Partiyasının Himninin səsləndirilməsi ilə başa çatıb.
