Yeni Azərbaycan Partiyası Sumqayıt şəhərində seçicilərlə görüş keçirib. Sumqayıt24 bu haqda 26 yanvar tarixində xəbər verir.
Tədbir prezident seçkiləri ilə əlaqədar namizədliyi irəli sürülmüş İlham Heydər oğlu Əliyevin seçkiqabağı təşviqat kampaniyası çərçivəsində təşkil olunub.
Burada YAP Sumqayıt şəhər təşkilatının sədri Ramiz Hüseynov, Milli Məclisin komitə sədri Hicran Hüseynova, Milli Məclisin deputatları Emin Hacıyev və Müşfiq Məmmədli, qazi Ehtiram Məmmədov, təşviqat qrupunun üzvləri Şakir Abuşov, Zeynəb Məmmədyarova, Sovet Şükürov, Eldar İsmayılov və Sevinc Qasımova çıxış ediblər.
Bildirilib ki, Prezident İlham Əliyevin rəhbərliyi altında Azərbaycan dünyada qüdrətli dövlət kimi böyük nüfuz qazanıb, suverenliyi tam bərpa olunub.
Əminlik ifadə edilib ki, xalqımız qalib lider İlham Əliyevin ətrafında bundan sonra da sıx birləşəcək: “Gücümüz birliyimizdədir!”
