Sumqayıtda sakinlər yaşadıqları qəsəbədə aptek olmadığına görə çətinlik çəkirlər. Bu haqda 29 yanvar tarixində Sumqayıt24 xəbər verir.
Söhbət İnşaatçılar qəsəbəsindən gedir. Yüzlərlə sakinin yaşadığı ərazidə əczaxana yoxdur. Sakinlərin sözlərinə görə, səhhətlərində hər hansı problemlə üzləşdikdə şəhərə yollanırlar.
“Artıq bir neçə ildir bu vəziyyət davam edir. Aptekə marşrutla, gecə saatlarında isə məcbur qalıb taksi ilə gedirik. Bir manatlıq dərman almaq üçün 3-5 manat pul xərcləyirik. Qəfil hansısa dərman almaq lazım olsa, bunun üçün vaxt lazımdır, bu isə kiminsə həyatını təhlükə altına salır”, – deyə sakinlər bildiriblər.
