Sumqayıtda şəhid dəfn edilib. Sumqayıt24 bu haqda 15 may tarixində Report.az-a istinadən xəbər verir.
Birinci Qarabağ müharibəsində itkin düşmüş hesab olunan Rəsul Əliyevin meyitinin qalıqları Sumqayıt Şəhidlər xiyabanına gətirilib. O, Beyləqan rayonundakı "Peyğəmbərlik" qəbiristanlığında naməlum şəhid kimi torpağa tapşırılmışdı.
Dəfn mərasimində şəhidin doğmaları, Sumqayıt Şəhər İcra Hakimiyyətinin vəzifəli şəxsləri, hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
Qeyd edək ki, R. Əliyev 18 fevral 1960-cı il ildə Sumqayıt şəhərində anadan olub. O, 1993-cü il noyabrın 7-də Füzuli rayonunun Kürdmahmudlu kəndi ərazisində itkin düşüb.
