Sumqayıt sakini itkin düşüb. Sumqayıt24 bu haqda 8 fevral tarixində Daxili İşlər Nazirliyinə (DİN) istinadən xəbər verir.
Rəvan Abdullayev adlı şəxs 4 fevral tarixində polisə 48 yaşlı qardaşı Rüfət Abdullayevin “BTZ” bağlarındakı kafedən çıxaraq naməlum istiqamətə getdiyini və bir daha geri qayıtmadığını bildirib.
İtkin düşən şəxsin boyu 168 sm, arıq bədən quruluşlu, gözlərinin rəngi qəhvəyidir. Onun hər iki əlində “Rəvan” və “Sərvan” yazılan döymə var. İtkin düşən zaman Rüfətin əynində boz rəngli cins şalvar, qəhvəyi rəngdə gödəkçə, ayağında qara rəngli ayaqqabı, başında papaq olub.
Onu tanıyanlardan və barəsində məlumatı olanlardan DİN-in “102” xidmətinə, həmçinin 5-ci Polis Bölməsinə (077) 591-21-21 və (018) 65-5-76-65 nömrələri vasitəsilə məlumat vermələri xahiş olunur.
