Sumqayıt Dövlət Texniki Kollecində baş vermiş yanğın zamanı 3 nəfər zəhərlənib. Bu haqda 18 yanvar tarixində Sumqayıt24 xəbər verir.
Hadisə gecə saatlarında kollecin ikimərtəbəli köməkçi binasının məcburi köçkünlər yaşayan hissəsində baş verib. Əraziyə FHN-in Dövlət Yanğından Mühafizə Xidməti və Sumqayıt Regional Mərkəzinin qüvvələri, polis əməkdaşları, eləcə də 3 təcili yardım briqadası cəlb edilib.
Aparılmış zəruri və təxirəsalınmaz tədbirlər sayəsində alov saat 01:00 radələrində söndürülüb.
Yanğın nəticəsində 70 yaşlı kişi digər qazların toksiki təsiri diaqnozu ilə orta ağır vəziyyətdə hospitalizasiya olunub. 43 yaşlı kişi və 63 yaşlı qadına digər qazların toksiki təsiri diaqnozu ilə yerində yardım olunub. Onların durumları kafidir.
Qeyd edək ki, binada Qubadlıdan məcburi köçkün düşmüş 7 ailə, Laçın və Cəbrayıldan 4 ailə (hər rayondan 2 ailə) məskunlaşıb.
