Sumqayıtda sakinlər tanınmış tikinti şirkəti tərəfindən tikilən mənzillərin keyfiyyətsiz olduğundan narazıdırlar. Bu haqda 11 yanvar tarixində Sumqayıt24 Bakupost.az-a istinadən xəbər verir.
Söhbət “Kristal Abşeron” MTK tərəfindən şəhərin 10-cu mikrorayonunda inşa edilmiş yaşayış kompleksindən gedir.
Məlum olub ki, tikinti zamanı kafel-metlaxın ara məsafəsi boş saxlanılıb, yapışdırıcı maddə qeyri-bərabər istifadə olunaraq boşluqlar yaranıb. Bu isə mənzillərə su sızmasına, rütubətə səbəb olub. Nəticədə mənzildə nəmişlik müşahidə olunur, divar kağızları sıradan çıxır.
Qeyd edək ki, adıçəkilən MTK Sumqayıtda ümumilikdə 6 yaşayış kompleksinin inşasını həyata keçirir.
