Fövqəladə Hallar Nazirliyi (FHN) Sumqayıt Məhkəmə Kompleksində maarifləndirmə tədbiri keçirib. Bu haqda 31 yanvar tarixində Sumqayıt24 FHN-ə istinadən məlumat verir.
Dövlət Yanğın Nəzarəti Xidməti tərəfindən keçirilən seminarda hakimlər və digər məhkəmə əməkdaşları iştirak ediblər.
Çıxış edən Dövlət Yanğın Nəzarəti Xidmətinin əməkdaşı Nizami Fərəcov “İnzibati binalarda yanğın təhlükəsizliyi” mövzusunda çıxış edib. O, həmçinin fövqəladə halların təsnifatı, yanğınların baş verməsi səbəbləri və yanğın zamanı zəruri davranış qaydaları barədə danışıb. Sonra ilkin odsöndürücü balonlardan istifadə qaydaları əyani nümayiş olunub.
Sonda iştirakçılara yanğın təhlükəsizliyi ilə bağlı bukletlər, yaddaş vərəqələri paylanılıb.
