Sumqayıtda “Narkomaniya bəşəriyyətin bəlasıdır“ adlı maarifləndirici tədbir keçirilib. Bu haqda 15 may tarixində Sumqayıt24 xəbər verir.
Sumqayıt şəhər Polis İdarəsi və Abşeron–Xızı Regional Gənclər və İdman İdarəsinin birgə təşkilatçılığı ilə baş tutan tədbir 7 nömrəli tam orta məktəbdə keçirilib.
Görüşdə çıxış edənlər bəşəriyyət üçün təhlükəli bəla olan narkomaniyanın gənclər və yeniyetmələr arasında yayılma təhlükəsindən, narkotik vasitələrin və onların prekursorlarının insan orqanizminə və psixologiyasına vurduğu zərərlərdən geniş danışıb, gənclərə fiziki aktiv, sağlam həyat tərzi yaşamağı tövsiyə ediblər.
