Sumqayıtda mənzildə baş vermiş yanğın zamanı 3 nəfər tüstüdən zəhərlənib. Bu haqda 1 fevral tarixində Sumqayıt24 Report.az-a istinadən məlumat verir.
Yanğın 8-ci mikrorayonda yerləşən beşmərtəbəli yaşayış binasında qeydə alınıb. Binanın sonuncu mərtəbəsindəki 2 otaqlı mənzilin mətbəxinin yanar konstruksiyaları və ev əşyaları 10 kv.m sahədə yanıb.
Hadisə nəticəsində 28 yaşlı Nuranə Heydərova və onun iki övladı – 9 yaşlı Nihad və 6 yaşlı Renat Cəbrayılovlar yanğınsöndürənlər tərəfindən tüstüdən zəhərlənmə əlamətləri ilə xilas edilərək təcili tibbi yardım briqadasına təhvil veriliblər.
Hər üç şəxs xəstəxanaya yerləşdirilib.
