"Bridge of culture" eTwining layihəsi başa çatıb. Sumqayıt24 bu haqda 19 iyun tarixində xəbər verir.
Proqrama Azərbaycan, Türkiyə, Polşa, Portuqaliya, Rumıniya və Gürcüstan müəllimləri öz şagirdləri ilə birgə qoşulublar. Onların arasında Sumqayıt şəhər T. İsmayılov adına 29 nömrəli məktəbin müəllimi Səbinə İsayeva da olub.
İştirakçı şagirdlər xarici ölkələrin adət-ənənəsi, milli mətbəxi, milli musiqisi, tarixi abidələri barədə məlumatlar toplayaraq təqdimatlar hazırlayıb və ingilis dilində təqdim ediblər.
Bu, onlarda nitq qabiliyyətinin formalaşmasına, söz ehtiyatının artmasına, əcnəbi həmyaşıdları ilə ünsiyyət qurmasına və araşdırma bacarıqlarının inkişafına təkan verir.
Qeyd edək ki, Portuqaliyadan olan şagirdlərin Azərbaycanın mövsüm nəğmələri - "Xıdır Nəbi", "Kosa-kosa", "Qodu-qodu" haqqında topladıqları məlumatlardan digər ölkələrin şagirdləri də bəhrələniblər.
