Sumqayıt məktəblərində çalışan müəllimlər seminara qatılıblar. Sumqayıt24 bu haqda 15 yanvar tarixində xəbər verir.
Təhsil və sosial layihələrin yazılışı üzrə master-klas “Öz layihəni özün yaz" adlanıb. Layihə yazılışı və idarəçiliyi üzrə 16 illik təcrübəyə malik təlimçi-ekspert Tofiq Sadıxov 6 akademik saat ərzində qrant müsabiqələr, müraciət forması, sosial və təhsil layihələrinin yazılışı və idarə edilməsindən danışıb.
Qeyd edək ki, master-klas Azərbaycan Maarifçilər Assosiasiyası tərəfindən əyani və onlayn formada təşkil edilir. Məqsəd Təhsildə İnkişaf və İnnovasiyalar qrant müsabiqəsinə hazırlıqdır.
Növbəti görüşdə iştirak üçün (051) 444-60-80 nömrəsi ilə əlaqə saxlamaq lazımdır.
