Aprel döyüşləri şəhidi, polkovnik-leytenant Raquf Orucovun oğlu məzun olub. Sumqayıt24 bu haqda 19 iyun tarixində məlumat verir.
Bu barədə qəhrəmanımızın xanımı Sevinc Orucova Facebook səhifəsində paylaşım edib:
“Bu gün Nihadımız Bakı Oksford Məktəbindən məzun oldu. Müstəqil həyata ilk qədəmlərini qoyur. Əminəm, Raquf həmişə onu qoruyacaq. Özü cismən yanımızda olmasa da, Nihadı göylərdən seyr edib, qürur duyur.
Həmişə sənə layiq olmağa çalışdıq, Raquf!”
“Murov qartalı” ləqəbli əfsanəvi kəşfiyyatçı Raquf Orucov 2016-cı ildə Aprel döyüşləri zamanı şəhid olub. O, “İgidliyə görə” medalı ilə təltif edilib.
