Sumqayıtda itkin düşən qızın sosial şəbəkədə tanış olduğu oğlana görə Türkiyəyə qaçdığı iddia olunur. Bu haqda 25 yanvar tarixində Sumqayıt24 Oxu.az-a istinadən məlumat verir.
Bu barədə “Səni axtarıram” verilişində evdən qaçan Seyidxanım Əlifxanova adlı qızın anası danışıb. O, qızının ikinci qrup əlil olduğunu, psixi problemlərdən əziyyət çəkdiyini bildirib. Ananın sözlərinə görə, qızı Türkiyə vətəndaşı Taner Engin Demir adlı şəxslə TikTok sosial şəbəkəsində tanış olub.
Ana, həmçinin əlavə edib ki, Seyidxanım evdən 2500 manat pul və sənədlərini götürərək sərhədi keçib. Onun ağır dərəcəli nitq və davranış pozğunluğu olduğunu təsdiq edən sənəd də verilişdə təqdim edilib.
Qeyd edək ki, Seyidxanım Əlifxanovanın axtarışları davam edir.
