Sumqayıtda "Heydər Əliyevin Azərbaycan təbiətinin qorunmasında misilsiz rolu" adlı konfrans təşkil olunub. Bu haqda 11 may tarixində Sumqayıt24 xəbər verir.
Ulu öndərin 101 illik yubileyi ilə əlaqədar baş tutan tədbir Xidmət Sahələri üzrə Sumqayıt Dövlət Peşə Təhsil Mərkəzi tərəfindən keçirilib.
Təhsil mərkəzinin müəllim-tələbə heyəti ümummilli lider Heydər Əliyevin abidəsini ziyarət edib, önünə gül dəstələri düzüb, əziz xatirəsini ehtiramla yad ediblər. Dəyirmi masada tələbələr hazırladıqları ədəbi-bədii kompozisiyalarla çıxış ediblər.
Çıxışlardan sonra H.Əliyevin həyat və fəaliyyətinə həsr olunmuş sənədli filmlər nümayiş olunub.
