Xidmət Sahələri üzrə Sumqayıt Dövlət Peşə Təhsil Mərkəzi "Gələcək bizimlə gələcək" adlı layihə təşkil edib. Sumqayıt24 bu haqda 10 may tarixində xəbər verir.
Müsabiqə "Dr.Ulviyya's Care House"da mərkəzin Bərbər-vizajist-manikürçü ixtisasında oxuyan tələbələrindən ibarət komandalar arasında keçirilib.
Tələbələr tədris zamanı yiyələndikləri bilik və bacarıqları modellər üzərində praktiki təqdim ediblər. Münsiflər heyəti komandaların əl işlərini qiymətləndirib və 1, 2, 3-cü yerlər üzrə bölüşdürüblər.
Turizm sahəsində iaşə üzrə mütəxəssis ixtisası üzrə təhsil alan tələbələr isə münsiflər heyəti və müsabiqə iştirakçılarına fasilələr zamanı xidmət göstəriblər.
