Sumqayıtda təhsil alan tələbələr ekskursiyada olublar. Sumqayıt24 bu haqda 10 fevral tarixində xəbər verir.
Xidmət Sahələri üzrə Sumqayıt Dövlət Peşə Təhsil Mərkəzinin Mehmanxana inzibatçısı ixtisasının I kurs tələbələri Azərbaycan Dəmiryol Muzeyini ziyarət ediblər.
Bələdçi bildirib ki, 3 sərgi zalından ibarət muzeydə dəmir yolunun yaranma tarixini əks etdirən foto və videomateriallar, müxtəlif eksponatlar, dəmir yolu və qatar modelləri yer alır. Digər zallarda isə dəmir yolunda gedən inkişaf prosesi və müxtəlif dövrlərə məxsus sərnişin obrazlarının maketləri nümayiş olunur.
Həmçinin tələbələr bu muzeydə rotel mehmanxana növünü əyani şəkildə görüblər. Bu növ mehmanxanalar təkərlər üzərində hərəkətdə olan, bir və iki yerli vaqondan ibarətdir.
Muzeydə yerləşən texnikalar tələbələrin böyük marağına səbəb olub.
