Prezident İlham Əliyevin Sumqayıta səfəri baş tutub. Bu haqda 23 oktyabr tarixində Sumqayıt24 Azərtac-a istinadən məlumat verir.
Səfər çərçivəsində dövlət başçısı Sumqayıt Kimya Sənayesi Parkında “Çinar-Servis” İstehsal-kommersiya firmasının Texniki qazların və “Kartaş Kimya” MMC-nin müxtəlif Tikinti kimyəvilərinin istehsalı müəssisələrinin təməlini qoyub.
Prezident, eləcə də “Novus Plastica” MMC-nin Polimer qatqıları, “Universal Qablaşdırma Sənayesi” QSC-nin Qablaşdırma məhsulları, “Azərbaycan Vanhong Ceramics Co.” MMC-nin Keramik plitələr istehsalı müəssisələrinin açılışında iştirak edib.
Daha sonra dövlət başçısı ulu öndər Heydər Əliyevin abidəsini ziyarət edib, yenidən qurulan Mehdi Hüseynzadə adına Sumqayıt şəhər stadionunda yaradılan şəraitlə tanış olub, 2 saylı Sumqayıt Şəhər Xəstəxanasının yeni binasının açılışında iştirak edib.
