Professor İsax Mustafayev Sumqayıt Tibb Mərkəzində (STM) seminar keçirib. Bu haqda 15 may tarixində Sumqayıt24 xəbər verir.
Seminar “Arterial hipertenziya dislipidemiya ilə: Müalicəyə necə yanaşmalı?" mövzusuna həsr edilib. Təlimdə terapevtlər və digər ixtisas həkimləri iştirak ediblər.
Geniş təqdimatla çıxış edən professor İsax Mustafayev arterial hipertenziya haqqında geniş məlumat verib, aparılan tədqiqatlardan və xəstəliyin müalicəsində tətbiq olunan beynəlxalq təcrübədən danışıb.
Qarşılıqlı fikir mübadiləsi ilə davam edən seminarda iştirakçıları maraqlandıran suallar cavablandırılıb.
