Bu gün Tofiq Bəhramov adına Respublika Stadionunda UEFA Konfrans Liqasının pley-off mərhələsinin oyunu ilə əlaqədar stadionun qarşısındakı Nəqliyyat-Mübadilə Mərkəzinə avtobusların girişi məhdudlaşdırılıb.
Sumqayit24.az xəbər verir ki, bu barədə Azərbaycan Yerüstü Nəqliyyat Agentliyindən məlumat verilib.
Bildirilib ki, xüsusi avtobus zonası oyuna üz tutacaq azarkeşlərin ixtiyarına verilərək onların maneəsiz hərəkətləri təmin olunacaq.
Müntəzəm marşrutların, eləcə də M5 və M6 nömrəli ekspres avtobusların dayanacaq yeri müvəqqəti olaraq "Gənclik Mall"un qarşısındakı dayanacaqdan təşkil edilib.
Qeyd edək ki, bu gün saat 20:00-da Tofiq Bəhramov adına Respublika stadionunda "Qarabağ" UEFA Konfrans Liqasının pley-off mərhələsində cavab oyununa çıxacaq.
Niderlandın "Tvente" klubu ilə qarşılaşacaq Ağdam təmsilçisi ilk oyunda minimal hesablı qələbə qazanıb - 1:0.
